உங்கள் பாதுகாப்பிற்காக உங்கள் படுக்கையறையில் அரசு ஒரு கேமராவை வைத்து, அதன் ரிமோட்டைத் தன் கையில் வைத்துக்கொண்டால் சம்மதிப்பீர்களா? புதிய குற்றவியல் சட்டங்களான BNS, BNSS, BSA இதைத்தான் சத்தமில்லாமல் செய்கின்றன!
BNS சட்டத்தில் 'தேசத்துரோகம்' நீக்கப்பட்டது போலத் தெரிந்தாலும், 'இறையாண்மைக்கு குந்தகம்' என்ற பெயரில் வலை விரிவாகப்பட்டுள்ளது. அரசை விமர்சிக்கும் ஒரு சாமானியன் கூட இதில் எளிதாகச் சிக்கி குற்றவாளியாகலாம்.
BNSS விதிகளின்படி புகாரளித்தவுடன் FIR பதிவு செய்யாமல் 14 நாட்கள் வரை விசாரிக்க காவல்துறைக்கு அதிகாரம் வழங்கப்பட்டுள்ளது. இது கட்டப்பஞ்சாயத்துக்கும், அதிகார துஷ்பிரயோகத்திற்கும் சட்டப்பூர்வ அங்கீகாரம் அளிப்பது போன்றதாகும்.
BSA சட்டத்தின்படி உங்கள் போன் அல்லது லேப்டாப் பாஸ்வேர்டை மிரட்டி வாங்குவது சாதாரணமாகிவிட்டது. இது ஒருவரை அவருக்கு எதிராகவே சாட்சியம் அளிக்கக் கட்டாயப்படுத்தும் கொடூரமான அரசியலமைப்பு மீறலாகும்.
இன்று ஆளுங்கட்சிக்குச் சாதகமாக உள்ள இந்த அதிகாரக் குவிப்பு, நாளை கைமாறும் போது அவர்களையே பதம் பார்க்கலாம். சட்டம் மக்களைப் பாதுகாக்கும் கேடயமாக இருக்க வேண்டுமே தவிர, அரசைப் பாதுகாக்கும் ஆயுதமாக மாறக்கூடாது!